Gómsætar veitingar

Við á Hótel Varmahlíð vitum að leiðin að hjarta mannsins liggur í gengum magann. Þess vegna leggjum við okkur fram um að bjóða upp á frábæran mat og afbragðs þjónustu á veitingastaðnum okkar. Lögð er áhersla á hráefni úr héraði og erum við í samstarfi við fjölda aðila sem sjá okkur fyrir því besta sem Skagafjörður hefur upp á að bjóða. Veitingasalurinn sem er bjartur og notalegur, tekur 80 – 90 manns í sæti. Salurinn er nýuppgerður og hinn glæsilegasti. Á veggjum hans eru oft ljósmynda- eða myndlistarsýningar. Veitingastaðurinn á Hótel Varmahlíð er opinn frá 15.maí til 15. september. Í hádeginu alla daga er boðið upp á súpu, brauð, salat og létta rétti. Á kvöldin tekur við spennandi A la Carte matseðill með úrvals réttum út Matarkistu Skagafjarðar. Einnig er hægt að koma við allan daginn, fá sér gæða kaffi frá Lavazza og athuga hvaða meðlæti er í boði.
Yfir vetrarmánuðina þarf að panta allar veitingar fyrirfram. Þá bindum við okkur ekki við matseðil, heldur reynum eftir fremsta megni að koma til móts við óskir gesta. Villibráðarveislur, jólahlaðborð og hrossablót eru árvissir og mjög vinsælir viðburðir á Hótel Varmahlíð. Veitingasalurinn er mjög góður fyrir veislur af ýmsum stærðum og gerðum, bekkjarmót, afmæli, fermingarveislur, árshátíðir o.fl. . Einnig gerum við tilboð í veislur og mannfagnaði af ýmsu tagi